Məhbusların seçici hüquqlarının qorunması ilə bağlı tədbirlər görülür

“Azadlıqdan Məhrumetmə Yerlərinin Müşahidəsi” İctimai Birliyi (AMYM İB) məhkumların ictimai həyatda fəal iştirakını təmin etmək məqsədilə qarşıdan gələn prezident seçkilərində məhkumların seçki prosesində aktiv iştirakının, azadlıqdan məhrumetmə yerlərində keçirilən seçkilərin nəticələrinin ictimaiyyətə səmərəli şəkildə çatdırılmasının təmininə yönəlmiş tədbirlər həyata keçirir.

“Seçki 2008” QHT Koalisiyası 15 oktyabr prezident seçkisi ilə bağlı keçirdiyi monitorinqin 7-ci həftəsini başa çatdırıb.
Bu həftə prezident seçkisi ilə bağlı monitorinqi aparılan 9 qəzet və üç internet saytında ümumilikdə 340 yazı dərc edilib. Yazılardan 94-ü beynəlxalq müşahidəçilər, seçkiyə nəzarət, seçki maarifləndirməsi, medianın monitorinqi və MSK-nın məlumatları, qərarları barədədir.

«İnsan hüquqları – XXI əsr» Azərbaycan fondu ölkədə insan haqlarının vəziyyətilə bağlı hesabat hazırlayıb.

Fondun prezidenti Şahin Camalovun «1news.az» saytına verdiyi xəbərə əsasən, hesabatda insan hüquqlarının pozulma səbəbləri, insan hüquqları və azadlığının dövlət orqanları tərəfindən və ümumilikdə qanunvericilikdə pozulmasına dair məlumatlar öz əksini tapıb.

Milli Məclisin payız sessiyasının ilk iclası başlayıb. Lent.az-ın məlumatına görə, iclasda spiker Oqtay Əsədov çıxış edərək, qarşıdan gələn seçkilərinə toxunub: “Ümid edirəm ki, artıq beynəlxalq təşkilatlar seçkilərə hazır reseptlə gəlməyəcəklər, bu il keçiriləcək prezident seçkisini obyektiv qiymətləndirəcəklər”. Onun fikrincə, bu ilki seçkilərə namizəd kimi kifayət qədər savadlı insanlar qatılıb: “Bu, Cənubi Qafqazda ən demokratik seçki olacaq”.

Vətəndaş Həmrəyliyi Partiyası (VHP) 15 oktyabrda keçiriləcək prezident seçkisini müşahidə edəcək. Bu barədə Lent.az-a VHP Təşkilat şöbəsinin rəhbəri Samir Əsədli məlumat verib. O bildirib ki, partiyanın rayon təşkilatlarının təmsilçiləri də daxil olmaqla VHP üzvlərinin bir qismi seçki günü müşahidə aparacaq.

Məqsəd seçici fəallığının artırılmasıdır

Prezident yanında Qeyri-Hökumət Təşkilatlarına Dövlət Dəstəyi Şurasının dəstəyi ilə Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) “Prezident və bələdiyyə seçkilərində seçici fəallığının artırılması, seçkilərin ədalətli və şəffaf keçirilməsinə kömək məqsədilə maarifçilik işinin təşkili” mövzusunda layihənin icrasını davam etdirir.

İngiltərə Mərkəzi Seçki Komissiyasının (MSK) sədri Sem Yanger Bakıda səfərdədir

Lent.az-ın məlumatına görə, Sem Yanger bu gün bəzi dairə seçki komissiyalarında olub, daha sonra isə Azərbaycan MSK-nın iclasını izləyib. MSK sədri Məzahir Pənahov ingilis həmkarının onun rəhbəri olduğu qurumun dəvəti ilə Azərbaycana səfər etdiyini bildirib.

Prezident seçkisini izləmək üçün Mərkəzi Seçki Komissiyasında (MSK) 100 nəfərə yaxın beynəlxalq müşahidəçi qeydiyyatdan keçib.

Seçkidə istifadə ediləcək səsvermə bülletenlərinin çapı prosesi sürətlə gedir

Lent.az-ın məlumatına görə, bu barədə Mərkəzi Seçki Komissiyasının (MSK) sədri Məzahir Pənahov bildirib. M. Pənahov xatırladıb ki, Seçki Məcəlləsinin tələblərinə əsasən, MSK səsvermə bülletenlərini seçkiyə 10 gün qalana qədər mətbəədən təhvil almalı, 5 gün qalana qədər isə Dairə Seçki Komissiyalarına paylamalıdır:

“Mən bu yay Azərbaycana səfərim zamanı ölkə başçısı, baş nazir və bütün aidiyyəti dövlət qurumlarından Avropa Şurasının öhdəliklərinə əməl etməyi xahiş etmişəm.