Noyabrın 28-də Baş Prokurorluqda kollegiya iclası keçirilib. Lent.az-ın məlumatına görə, toplantı Azərbaycan Prezidenti İlham Əliyev tərəfindən xidməti fəaliyyətlərində ərqləndiklərinə görə “Azərbaycan Bayrağı” ordeni ilə təltif edilmiş prokurorluq əməkdaşlarına dövlət mükafatlarının təqdim olunması və dövlət başçısının 2008-ci il 27 sentyabr tarixli Sərəncamı ilə təsdiq edilmiş “Azərbaycan Respublikası Prokurorluğunun fəaliyyətinin müasirləşdirilməsinə dair 2009-2011-ci illər üçün Dövlət Proqramı”nın icrası ilə əlaqədar prokurorluq orqanlarının qarşısında duran vəzifələrə həsr olunub.

ATƏT-in Bakıdakı ofisi, Niderland Helsinki komitəsi və Böyük Britaniyanın Beynəlxalq Mərkəzi Bakıda məhkəmə işlərində beynəlxalq standartların və strategiyaların tətbiqinə dair konfrans keçirəcəklər. Lent.az-ın məlumatına görə, dekabrın 11-12-də keçiriləcək tədbirdə Azərbaycanda məhkəmə işlərinə baxılması ilə bağlı problemlər müzakirə olunacaq. Konfransda məhkəmələrin müstəqilliyi, məhkəmə sisteminin ölkənin qanunvericilik təcrübəsinə təsiri məsələləri də nəzərdən keçiriləcək.