Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və BMT İnkişaf Proqramı “Azərbaycanda yerli QHT sektorunun idarəçilik potensialının gücləndirilməsi” adlı müştərək layihənin maliyyələşdirilməsi haqda müqavilə imzalayacaq.

Şuranın mətbuat xidmətindən APA-ya verilən məlumata görə, layihənin əsas məqsədi QHT sektorunun davamlı inkişafının təmin edilməsi üçün regionlarda fəaliyyət göstərən QHT-lərin rəhbərlik, layihə idarəetməsi və mühasibat uçotunun aparılması sahəsində təcrübəsinin təkmilləşdirilməsi, onlara konsultativ və təlimlər üzrə yardımların göstərilməsidir.

Qeyd edək ki, müqavilənin təntənəli imzalanma mərasimi sentyabrın 10-da baş
tutacaq.