Mərkəzi Seçki Komissiyasının (MSK) «Media Forum» saytına prezidentliyə namizədlərin ödənişli reklamlarının yerləşdirilməsinə icazə verməməsi qanunsuzdur.

Andres Herkel: “Tərəflərin hamısı məsuliyyətli olmalıdırlar”

“Müsbət iradə olarsa, yaxşı seçki keçirilə bilər”

Dünən AŞPA-nın Azərbaycanda seçkiqabağı vəziyyəti qiymətləndirən beş nəfərdən ibarət müşahidə missiyası ölkəyə səfərlərinin yekunu ilə bağlı mətbuat konfransı keçiriblər. Nümayəndə heyətinin rəhbəri Andres Nerkel bildirib ki, missiyada müxtəlif ölkələr və siyasi qruplar təmsil olunub. Bunun monitorinq səfəri olmadığını deyən çıxışçı bu səbəbdən də iyunda Strasburqda qəbul edilən qətnamə ilə bağlı fikir söyləməyi planlaşdırmadığını vurğuladı: “Həmçinin 15 oktyabr seçkiləri ilə bağlı da bəribaşdan fikir ifadə etmək niyyətimiz yoxdu. Sadəcə seçkiqabağı vəziyyəti qiymətləndirən bəyanatımız olacaq”.

“Seçki 2008” QHT Koalisiyasının üzvləri beynəlxalq təşkilatların nümayəndələri ilə görüşüblər

“Seçki 2008” QHT Koalisiyası beynəlxalq təşkilatların nümayəndələri ilə görüş və müzakirələrini davam etdirir. Qurumdan Lent.az-a verilən məlumata görə, koalisiyanın üzvləri Avropa Komissiyasının Azərbaycandakı nümayəndəliyinin rəhbəri, səfir Alan Vaddams və onun köməkçisi Nigar Arpadarai ilə görüşüblər.

Bu ilin 8 ayında Azərbaycanda 13880 cinayət hadisəsi qeydə alınıb. Bu barədə APA-ya Dövlət Statistika Komitəsindən məlumat verilib. Bildirilib ki, onlardan 11 faizi xüsusilə ağır və ağır xarakterli cinayət hadisələri olub.

Müşahidəçi qrupunun koordinatoru Rusiya Federasiya Şurasının sədr müavini Svetlana Orlovadır

MDB Parlament Assambleyası bu il, oktyabrın 15-də Azərbaycanda keçiriləcək prezident seçkisini izləmək üçün müşahidəçi qrupu təyin edəcək. Milli Məclisdən verilən məlumata görə, bu qrup təşkilatın icra komitəsi tərəfindən formalaşdırılmış müşahidə missiyasının tərkibinə daxil olacaq.

Avropa Şurası Parlament Assambleyasının seçkiqabağı vəziyyəti qiymətləndirən nümayəndə heyəti Bakıda bəyanat yayıb. Bəyanatı nümayəndə heyətinin rəhbəri Andres Herkel (Estoniya), üzvlər İndrek Saar (Estoniya), Mövlud Çavuşoğlu (Türkiyə), Paul Ville (Belçika) Hakkı Keskin (Almaniya) imzalayıblar.

«Korrupsiya həmişə qaranlığı, tutqunluğu, zülməti sevir. O, belə şəraitdə daha da güclənir, şaxələnir, qol-qanad açır. Bu qaranlıq məkana işıq salanda, orada şəffaf və aydın mühit təmin edəndə korrupsiyanın gözləri tutulur. Bundan sonra o, əlbəttə, özünə yeni qaranlıq yer axtarır. Ona görə də müasir dövrdə azad, şəffaf cəmiyyətin və idarəçiliyin qurulması korrupsiyanın əsas düşməninə çevrilir».

Azərbaycanda kütləvi informasiya vasitələri seçkilərin işıqlandırılmasında müxtəliflik nümayiş etdirmir, mediada plüralizm aşağı səviyyədir.