Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) nümayəndələri beynəlxalq təşkilatlarla görüşləri davam etdirir.

“Seçki 2008” QHT Koalisiyası “Seçkilərdə müşahidəçilik” adlı məlumat kitabçası hazırlayıb və çap edib.

Lent.az-ın xəbərinə görə, hüquqşünas Ələsgər Məmmədlinin hazırladığı kitabçada yerli müşahidəçilər üçün vacib məlumatlar toplanıb.

Azər Tağıyev: «Namizədlər təbliğat materialları, plakatları barədə qanunamüvafiq olaraq MSK-ya məlumat verməlidirlər»

Mərkəzi Seçki Komissiyası (MSK) bu ilin oktyabrında keçiriləcək prezident seçkisində namizədlərin təbliğat-təşviqat materialları barədə quruma məlumat vermələrini və bu materialları quruma təqdim etmələrini tövsiyə edib. MSK-nın Mətbuat Qrupunun rəhbəri Azər Tağıyevin sözlərinə görə, namizədlər təbliğat materialları, plakatları barədə qanunamüvafiq olaraq MSK-ya məlumat verməlidirlər:

Mərkəzi Seçki Komissiyasının (MSK) nəzdində mətbuat qrupunun iclası keçirilib. APA-nın məlumatına görə, iclasda Yeni Azərbaycan Partiyasının (YAP) sədr müavini, icra katibi Əli Əhmədovun Ümid Partiyasının prezidentliyə namizədi İqbal Ağazadənin vaxtından əvvəl təbliğat-təşviqat kampaniyasına başlaması ilə bağlı müraciəti yenidən müzakirə edilib. Qrupun rəhbəri Azər Tağıyev bildirib ki, həqiqətən də İ. Ağazadə vaxtından əvvəl təbliğata başlayıb: “Amma biz istəmirik ki, sərt tədbirlər görülsün. Məsələyə bir qədər loyal yanaşılmasına tərəfdarıq”.

Bu il oktyabrın 15-də keciriləcək prezident seçkilərində
iştirak edəcək namizədlərin siyahısını diqqətinizə catdırırıq:

AzərTAc-ın xüsusi müxbiri Avropa Şurasının saytına istinadla xəbər verir ki, Avropa Şurası Parlament Assambleyasının Xüsusi Komitəsinin beş deputatdan ibarət seçkiqabağı missiyası oktyabr ayında Azərbaycanda keçiriləcək prezident seçkilərinə hazırlığın vəziyyəti ilə yaxından tanış olmaq üçün Milli Məclisin sədrinin dəvəti ilə sentyabrın 16-dan 18-dək ölkəmizdə səfərdə olmuşdur.

«İnzibati icraat haqqında» Qanunun bir sıra müddəaları Azərbaycan qanunvericiliyinin ruhuna və fəlsəfəsinə ziddir» - şənbə günü Azərbaycan Hüquqşünaslar Konfederasiyasının yeni inzibati hüquqa dair keçirdiyi seminarda Vəkillər Kollegiyasının sədri Azər Tağıyev bildirib.

Oktyabrın 15-də keçiriləcək prezident seçkilərinin təşkili məqsədilə dövlət büdcəsindən 23 milyon 500 min manat vəsait ayrılıb. APA-nın məlumatına görə, bu barədə Mərkəzi Seçki Komissiyasının (MSK) üzvü Ramiz İbrahimov məlumat verib.

Prezident seçkisini boykot etmiş beş siyasi təşkilat, onlara efir vaxtının ayrılması ilə bağlı olaraq, İctimai Televiziyaya müraciət edəcək.

Mərkəzi Seçki Komissiyasının (MSK) növbəti iclası keçirilib. APA-nın məlumatına görə, iclasda oktyabrın 15-də keçiriləcək prezident seçkilərinə namizədliyini irəli sürmüş Fazil Qəzənfəroğlunun 50 vəkili, həmçinin, MSK-da səlahiyyətli nümayəndəsi təsdiq edilib.