«Onlarla müxalifətçi mühakimə olunsa da, səlahiyyətlərindən sui-istifadə edən hakimiyyət nümayəndələrindən heç biri məhkəmə qarşısında cavab verməyib»

«Human Rights Watch» beynəlxalq hüquq müdafiəsi təşkilatı Ermənistan hakimiyyətini 2008-ci ildə hakimiyyət əleyhinə nümayişin dağıdılmasının təfərrüatlarını dəqiq araşdırmamaqda günahlandırıb. Qeyd edək ki, İrəvanda ötən il martın 1-də baş vermiş hadisələrdə 10 nəfər ölmüş, aksiyanın 100-dən artıq iştirakçısı həbs edilmişdi.

«Human Rights Watch» hesab edir ki, polisin səlahiyyət həddini aşmasına, xüsusilə, yersiz silah tətbiqinə heç bir şübhə yoxdur: «Lakin Ermənistan hakimiyyətinin 1 mart hadisələrinə reaksiyası birtərəfli olub. Ötən müddət ərzində onlarla müxalifətçi mühakimə olunsa da, səlahiyyətlərindən sui-istifadə edən hakimiyyət nümayəndələrindən heç biri məhkəmə qarşısında cavab verməyib». /ANS PRESS/